Sadiku nuk grumbullohet nga trajneri i Levantes, zbulohet misteri që e lë sulmuesin në tribunë
Në ditën e fundit të merkatos së transferimeve, Armando Sadiku la Poloninë për t’u transferuar në kampionatin spanjoll. Mirëpo, sulmuesi i Kombëtares i ka ndjekur nga tribuna dy takimet e para të skuadrës së tij të re.
Ndërsa pritej që të debutonte me Real Madridin, diçka e tillë nuk ndodhi, ndërkohë që Pacini shënoi golin e barazimit për 2-2. Edhe dje, shqiptari nuk u grumbullua nga trajneri i Levantes për sfidën kundër Valencias.
Gazeta “Panorama Sport” ka mësuar se bëhet fjalë për një dëmtim të bomberit kuqezi, i cili po shtyn debutimin e tij me skuadrën spanjolle. Armando Sadiku vuan nga një dëmtim në gju, i cili kërkon të paktën dhjetë ditë kohë rikuperimi, derisa sulmuesi të jetë i gatshëm për trajnerin e Levantes.
NDIQE LIVE "PANORAMA TV"