Andi Ribaj nuk është federuar ende. Pritej që dje sulmuesi fierak të regjistrohej në sistem, por kjo procedurë nuk është mbyllur. Si lojtari, ashtu edhe drejtuesit e klubit janë në pritje.

Shpresohet që 29-vjeçari të jetë i gatshëm për ndeshjen e kësaj jave kundër Bylisit. Shpresat e stafit teknik janë të varura tek ai, e sidomos kur dihet që mungon shkodrani Xhevahir Sukaj. Sulmuesi ka dëmtuar kaviljen dhe do i duhet pak kohë që të rikuperohet.

Sakaq, skuadra ka vijuar përgatitjet intensive edhe dje. Stafi teknik është shfaqur mjaft kërkues dhe po mundohet që të evitojë gabimet e shfaqura në këto 5 javë. Kërkohet me çdo kusht kthesa dhe shpresat për të marrë të parën fitore, pasi siguruan pikën e parë, janë rritur.

/PANORAMASPORT.AL/

NDIQE LIVE "PANORAMA TV"

---