Atalanta u eliminua në mënyrë dramatike në çerekfinalet e Championsit teksa u përmbys në sekondat e fundit nga PSG-ja me rezultatin, 1-2. Në prononcimin pas ndeshjes, për “Sky Sport”, arkitekti i bergamaskëve, Gasperini, shprehu keqardhje për këtë eliminim, duke deklaruar:

“Duhet të them se ka shumë keqardhje për këtë eliminim. Iu afruam shumë, ishim shumë afër. Dukej sikur mund ta bënim diçka të tillë dhe do të ishte një arritje e madhe.

Gjithsesi kënaqësia mbetet për përvojën e përjetuar, një Champions ku kemi ardhur në rritje kundër ekipeve më të mira në Europë. Unë vetëm mund t’i falenderoj këtë djem. Champions-i është një kompeticion shumë i veçantë. Ishte kompeticioni i detajeve, siç tha Murinjo dhe detajet janë ato që vendosin kur ekziston ekuilibri. Kishim një rast me Gjimshitin dhe një kundërsulm ku mund të kishim bërë më mirë”, u shpreh tekniku i Atalanta.

PANORAMASPORT.AL

NDIQE LIVE "PANORAMA TV"

---