Rusia mban peng “Santiago Bernabeun”, Perez tregon problemet që lindën pas pushtimit të Ukrainës

Panorama Sport | Lajmet e fundit nga sporti

Postuar: Qershor 17, 2022 | 21:46


Rusia mban peng “Santiago Bernabeun”, Perez tregon problemet që lindën pas pushtimit të Ukrainës

“Santiago Bernabeu” modern do të duhet të presë pasi Real Madrid për momentin e ka të pamundur të përfundojë në kohë punimet që ka nisur prej më shumë se dy vitesh në impiantin e tij për ta bërë ultra-modern. Këtë e ka konfirmuar presidenti i madrilenëve, Florentino Perez, i cili bëri të ditur se punimet shpresohej të mbylleshin para fillimit të edicionit 2023-2024.

bernabeu

“Filluam punimet dhe menjëherë nisi pandemia. Pastaj erdhi lufta në Ukrainë dhe kjo e fundit provokoi dy gjëra: mungesë materialesh dhe rritje e çmimeve. Por do t’i kalojmë të gjithë këto probleme dhe jemi të lumtur që kemi nisur modernizimin e stadiumit”, theksoi Perez.

Mediat spanjolle bëjmë të ditur se për punimet në mbulesën e re të stadiumit, materialet siguroheshin nga Ukraina dhe sidomos çeliku, i cili vinte nga uzina e famshme e Azovstal në Mariupol ku u bënë disa nga luftimet më të përgjakshme. Një situatë që ka ngrirë punimet dhe që ka shtyrë përfundimin e tyre teksa po gjenden burime të tjera të materialeve që nevojiten për të përfunduar impiantin.

PANORAMASPORT.AL