Rrezikon shkarkimin pas turpërimit, Kuman: Ndjej mbështetjen e lojtarëve, por për të tjerët…
Ronald Kuman është shumë pranë largimit nga Barcelona. Pas humbjes 3-0 ndaj Benfikës, tifozët kanë kërkuar largimin e tij dhe marrëdhënia e trajnerit holandez me presidentin Laporta nuk është ndër më të mirat, duke e bërë mëse të mundshme një gjë të tillë.
Por vetë tekniku, pas sfidës deklaroi se rezultati dhe loja kishin qenë dy gjëra të ndryshme dhe në këto momente kishte mbështetjen e ekipit.
“Rezultati përfundimtar është i vështirë për t’u pranuar. Mendoj se ajo që u pa në fushë nuk u reflektua në rezultat, pasi edhe pse po mundeshim, kemi luajtur mirë deri në rezultatin 2-0. Kishim 4 mundësi të pastra shënim,. Por ne nuk shënuan dhe ata realizuan tre.
Kemi luajtur keq ndoshta në 15 minutat e fundit, por edhe kundërshtarët kanë cilësi. Duhet të mbrojmë. Fizikisht ka ekipe që janë në formë më të mirë, kështu është situata.
A kam frikë se nuk kalojmë grupet? Nuk do të diskutoj nivelin e këtij ekipi. Nuk mund të ngrihet një opinion mbi një ekip duke u bazuar mbi vitet e kaluara. Kështu janë gjërat, për mua është më e qartë se uji.
A ndjej mbështetje nga klubi? Unë do të jap opinionin tim vetëm për ekipin, lojtarët e mi. Ndjej mbështetje nga lojtarët e mi, pastaj për të tjerët, nuk di çfarë të them”, ishin fjalët e Kuman.
PANORAMASPORT.AL
NDIQE LIVE "PANORAMA TV"