Rrëfimi i pazakontë, befason sportistja e njohur: Si më ofruan 200 mijë euro në muaj për t’u bërë prostitutë
Atletja ruse, Daria Klisina ka pranuar se ka marrë një ofertë të pahijshme për t’u bërë prostitutë përmes rrjetit social ‘Instagram’. Ajo aktualisht jeton jashtë Rusisë, në Atlanta, dhe për mediat ruse ka rrëfyer për këtë çështje.
“Mund ta imagjinoni? Mora një ofertë të turpshme gjashtë muaj më parë. Isha e shokuar”, e nis Klisina historinë e saj. “Nuk e kam zakon të jem e vrazhdë, por e refuzova ofertën pa asnjë dyshim. Por, ata nuk ndaleshin dhe më thonin se do të fitoja 200 mijë euro në muaj”, tregon më tej ajo.
Gjithashtu, Klisina është rrëfyer edhe për një seancë fotografike për një revistë për meshkuj në Rusi, kur ajo ishte në fillim të karrierës së saj.
“Jam e lumtur për trupin tim dhe nuk kam asgjë për t’u turpëruar, por ajo seancë ishte pak a shumë për mua. Kur më kërkuan të hiqja rrobat, isha në siklet”, pranoi ajo.
Suksesi më i madh i Klisinas si atlete ishte medalja e argjendtë në Kampionatin Botëror në Londër gjatë vitit 2017. Bukorshja ruse është shumë e popullarizua në vendin e saj, teksa numron plot 300 mijë ndjekës në rrjetin social “Instagram”.
PANORAMASPORT.AL
NDIQE LIVE "PANORAMA TV"