Ronaldo vetëm dy gola larg objektivit, ja të gjitha statistikat e portugezit
Vetëm dy gola i mungojnë Kristiano Ronaldos, për të kapur një shifër të lartë, siç është ajo e 700 golave.
Portugalia do të luajë kundër Luksenburgut dhe Ukrainës, ndeshje në të cilat padyshim Ronaldo do të përpiqet të shënojë, për të kapur shifrën e 700 golave në karrierë. Megjithatë nëse nuk ia del të kapi këtë shifër me kombëtaren e tij, sulmuesi do të provojë me Juventusin në ndeshjen e ardhshme kundër Bolonjës.
Gjatë gjithë karrierës së tij, 34-vjeçari ka shënuar plot 698 gola, midis Sporting Lisbonës, Junajtid, Real Madridit, Juventusit dhe Portugalisë, statistika interesante nga viti 2002 deri tani.
450 gola, Ronaldo i ka shënuar me fanellën e Realit në 9 sezone, skuadër me të cilët regjistroi shumë rekorde. Plot 127 gola CR7 i ka shënuar në Ligën e Kampionëve, i cili është njëkohësisht edhe kompeticioni i tij i preferuar, për shkak se ka arritur ta fitojë 5 herë.
Golin e 100-të portugezi e shënoi me Junajtid kundër Totenhemit, golin e 600-të e shënoi me Realin, pikërisht kundër Juventusit. Tashmë të shohim se kundër kujt do ta shënojë golin e 700-të.
Skuadra e preferuar e portugezit të cilës i ka shënuar më shumë është Sevija, të cilës i ka shënuar 27 gola, por nuk ngelet pas as Atletiko Madridi, skuadër të cilës i ka shënuar 25 gola.
PANOPRAMASPORT.AL
NDIQE LIVE "PANORAMA TV"