“Ringjalli” cërrikasit, mbrojtësi i Turbinës: Gol me shumë peshë

Panorama Sport | Lajmet e fundit nga sporti

Postuar: Dhjetor 26, 2021 | 11:58

“Ringjalli” cërrikasit, mbrojtësi i Turbinës: Gol me shumë peshë

Turbina u “ringjall” në fund. Një fitore që nuk i shpëton, por të paktën i largoi nga vendi i 16-të për 2021-shin. Rei Zaimi u bë protagonist përballë Butrintit me atë gol të shënuar.

topi-kategoria-e-pare

Qendërmbrojtësi për “Panorama Sport” thotë: “Kemi fituar me Butrintin dhe e dominuam totalisht. Luajtëm mirë dhe patëm një mori me raste. Jam shumë i gëzuar që goli im ishte vendimtar. Erdhi në momentin e duhur dhe na largoi nga fundi i tabelës, pas disa rezultateve zhgënjyese. Ua dedikoj tifozëve, që na kanë mbështetur pa kushte.

Do vazhdojmë të luftojmë deri në fund, për ta bërë realitet qëndrimin në Kategorinë e Parë. Gara do të jetë vërtet e fortë, po Turbinën do ta shpëtojmë nga rënia. Por, për ta arritur këtë, duhet një merkato e mirë me lojtarë shumë cilësorë”.

MARIGLEN MIRAKA-PANORAMASPORT.AL

NDIQE LIVE "PANORAMA TV"