Rikthimi tek Aris, Vangjelit ia prishi planet një spanjoll
Kristi Vangjeli është rikthyer në Korçë pas akordit me presidentin Ardjan Takaj. Pas disa javësh i pavendosur për të ardhmen, mbrojtësi do të vijojë karrierën te Skënderbeu, edhe pse nuk përjashtohet ndonjë surprizë deri në fund të merkatos.
Në Greqi raportojnë se te Arisi i Selanikut, ku korçari ka luajtur për shumë vite, mbeten në pritje të vendimit final të trajnerit spanjoll, Pako Herreira.
Sipas “Gazzetta.gr”, Aris është në kërkim të një mbrojtësi të djathtë dhe emri i shqiptarit shihet si kandidat i mundshëm, por vetëm në momentin që trajneri nuk do të gjejë një lojtar të spikatur. Spanjolli nuk e sheh Vangjelin si alternativë të parë, prandaj në gjithë këtë periudhë mbrojtësi ka qenë i pavendosur, pasi priste që Aris ta rikthente në skuadër.
NDIQE LIVE "PANORAMA TV"