Rikthehet “klasikja” gjermane, ja çfarë ka ndodhur që nga hera e fundit që Dortmundi mposhti Bajernin

Panorama Sport | Lajmet e fundit nga sporti

Postuar: Tetor 6, 2022 | 11:47


Rikthehet “klasikja” gjermane, ja çfarë ka ndodhur që nga hera e fundit që Dortmundi mposhti Bajernin

Kanë kaluar 4 vjet nga fitorja e Borusia Dortmundit ndaj rekordmenëve të Bajernit në Bundesligë.

dortmund bajern

Saktësisht bëhet fjalë për datën 10 nëntor 2018, aty ku verdhezinjtë do ta shkruanin për herë të fundit emrin në listën e fituesve në betejat mes tyre në Bundesligën gjermane. Nga ajo ndeshje e përfunduar me shifra 3-2, kanë kaluar 8 ndeshje, me serinë 8- 0 të fitoreve në kampin e bavarezëve.

Takimi i së shtunës do t’i japë sërish shansin Dortmundit në testin ndaj Bajernit, me qëllim thyerjen e kësaj tabuje në kampionat.

Ajo çka e rrit kuriozitetin janë ngjarjet që kanë ndodhur në periudhën kur verdhezinjtë triumfonin për herë të fundit në “Klasiken” e Gjermanisë:

-Mario Gëce luante ende me Borusia Dortmundin.

-Hanover 96 militonte në Bundesligë (dhe u rrëzua në fund të sezonit).

-Boris Xhonson sapo ishte emëruar kryeministër i Mbretërisë së Bashkuar.

-Lusian Favre qëndronte në krye të pankinës së “verdhezinjve”.

-U zhvilluan për herë të fundit gara në “Hokenheimring” (në Gjermani) në Formulnë 1 me fitues Maks Vershtapen.

-Marko Rojs u votua si futbollisti i vitit në Gjermani .

-Anxhelo Kelli dhe familja e tij dhanë një koncert në Berlin.

-Tom Bredi festoi ditëlindjen e tij të 42-të.

-Filmi “Mbreti Luan” ishte në krye të listës në kinematë gjermane.

PANORAMASPORT.AL