Java e 11 e Kategorisë Superiore ka filluar me dy ndeshje që kanë prodhuar rezultate interesante, pasi përplaseshin skuadra që luftojnë për kreun dhe për Europën.

Laçi ka marrë një fitore bindëse ndaj Dinamos, duke i dhënë fund serisë së dy ndeshjeve pa suksese e duke kapërcyer blutë në klasifikim, për t’u pozicionuar përsëri në vendin e katërt e kërcënuar treshen që ka më lart. Ndërkohë, Dinamo ka rrëshqitur në vendin e 6 e tashmë edhe duhet të fillojë të shohë pas, sepse 4 pikë në 5 ndeshjet e fundit nuk është një bilanc që përputhet me pretendimet që ka.

Sakaq, Vllaznia ka barazuar me Teutën, por ka humbur mundësinë për t’iu afruar edhe më shumë dyshes Tirana-Kukësi që është pak më e shkëputur në kryesim. Edhe Teuta mbetet në distance mëse të arritshme për të paktën vendin e tretë me këtë barazim, ndonëse si në edicionin e kaluar po vuan përsëri që të gjejë fitoret në pjesën e parë të kampionatit.

JAVA 11
Të premten

Laçi-Dinamo 5-0

Teuta-Vllaznia 1-1

Të shtunën

Egnatia—Tirana 13:45

Kastrioti-Kukësi 13:45

Partizani-Skënderbeu 16:45

PANORAMASPORT.AL

 

NDIQE LIVE "PANORAMA TV"

---