Redon Xhixha fiton “Topin e Artë 2022” të Superiores, trofeun e ngre kapiteni Ismailgeci: Shpresoj që të ikim të gjithë…
Redon Xhixha është fituesi i “Topit të Artë” për vitin 2022 në Kategorinë Superiore. Sulmuesi që pak ditë më parë u largua nga Tirana, për t’u transferuar te Karabaku në Azerbajxhan, ndihmoi bardheblutë me golat e tij, që të shpalleshin kampion.
Një trofe mëse i merituar për Xhixhën. Në mungesë të 24-vjeçarit, trofeun e ngriti kapiteni aktual i Tiranës, Marsel Ismailgeci, i cili në prononcimin e tij në këtë mbrëmje gala u shpreh:
“Me qenë se Redoni nuk është këtu më tha tiu them disa fjalë. Iu falënderon që e keni zgjedhur dhe falënderon gjithashtu dhe çunat e ekipit që e kane ndihmuar të fitojë këtë çmim.
Ne i urojmë suksese në karrierën e re, shpresoj që në të ardhmen të ikim edhe të gjithë ne jashtë siç iku ai”, u shpreh Ismailgeci.
Vlen të theksohet fakti se “Topi i Artë 2022”, u dorëzua nga ministrja Evis Kushi.
PANORAMASPORT.AL
NDIQE LIVE "PANORAMA TV"