Reali i Madridit prej dy javësh është duke negociuar me klubin anglez të Çelsit për të siguruar shërbimet e portierit belg, Tibo Kurtua. Ndërkohë që klubet negociojnë për të arritur marrëveshjen vetë futbollisti ka vendosur të qëndrojë larg këtyre negociatave.

Ai ka vendosur të pushojë në Tenerife së bashku me të dashurën dhe motrën e tij. Ndërkohë në disa momente Kurtua është kapur nga kamerat duke luajtur edhe volejboll, një lojë të cilën ai e preferon shumë.

Sipas asaj që raporton “Marca” ekipi madrilen e ka kontaktuar vetë lojtarin por Çelsi nuk ka ndërmend ta shesë pa gjetur më parë një zëvendësues.

NDIQE LIVE "PANORAMA TV"

---