Real Madrid do të tentojë sërish të bindë sulmuesin gjerman të Lajpcigut Timo Verner që të bëhet madrilen në verën e 2020.

Mediat iberike shkruajnë se trajneri i 13-herë kampionëve të Europës Zinedin Zidan ka kërkuar që Reali të ofrojë njërin prej futbollistëve të tij si dhe një sasi parash për të siguruar blerjen e 23-vjeçarit. Mësohet se vlera e Vernerit shkon në 80 milionë €.

Tekniku francez është zhgënjyer nga blerja e verës së kaluar Luka Joviç, i cili nuk po përshtatet dot fizikisht dhe psikologjikisht për të luajtur me Realin, megjithëse kushtoi plot 60 milionë €.

Verner është njëri prej sulmuesve më në formë në Europë. Ai ka realizuar në karrierë 84 gola në 138 ndeshje. Liverpuli dhe Çelsi e admirojnë shumë sulmuesin e kombëtares gjermane.

PANORAMASPORT.AL

NDIQE LIVE "PANORAMA TV"

---