PSG-ja do e shlyejë Ikardin, por është gati t’ia ofrojë…

Panorama Sport | Gazeta me e madhe sportive ne vend

Postuar: Janar 29, 2020 | 11:56

Bota FB LAJMI KRYESOR Seria A Të fundit

PSG-ja do e shlyejë Ikardin, por është gati t’ia ofrojë…

Mauro Ikardi është rikthyer të flasë me gola në fushë, duke realizuar 17 të tillë në 23 ndeshje sezonale me PSG-në, e cila është gati që të vërë në funksion klauzolën e të drejtës së blerjes së argjentinasit nga Interi, për 70 milionë euro. 

ikardi psg

Por edhe pse drejtuesit parisienë duken të kënaqur nga sulmuesi, media franceze nënvizon se ndoshta Ikardi vërtet do të blihet, por duke parë se vetë dëshira e “Mauritos” është që të kthehet në Itali, drejtori Leonardo po mendon që pasi ta blejë, të hapë një tratativë me Juventusin.

Ikardi duket i bindur që të mos kthehet tek Interi, por ndërkohë është gati të pranojë “Zonjën e Vjetër”, i shtyrë edhe nga bashkëshortja-menaxhere, Vanda Nara. Për Leonardon kjo është një mundësi e mirë për të përdorur Ikardin që të arrijë te njëri mes dy juventinëve, Gonzalo Higuain ose Federiko Bernardeski. Kjo, gjithmonë nëse torinezët do të jenë gati që të shtojnë edhe një shifër prej 30-40 milionësh për të arritur tek ish-kapiteni i Interit.




Për t’u bërë pjesë e grupit të "Panorama Sport" mjafton të klikoni: Join Group dhe kërkesa do t’ju aprovohet.
KOMUNITETI PANORAMA SPORT: https://www.facebook.com/groups/sportionline/

www.minuta90.com