Provokojnë tifozët grek, kërkojnë aneksimin e Maqedonisë
Tifozët e klubit grek, Paok kanë shfrytëzuar sfidën e djeshme ndaj Çelsit në Ligën e Evropës për të dhënë një mesazh politik, veprim ky që mund t’i sjellë telashe klubit për shkak se UEFA dënon mesazhet politike në futboll.
Ky mesazh vjen vetëm pak ditë deri në referendumin që Maqedonia do të mbajë për emrin. “Maqedonia është një dhe e vetme dhe është këtu”, thuhet në banderolën gjigande të klubit grek teksa shprehin qartë se kërkojnë aneksimin e këtij shteti.
Qeveria e Maqedonisë dhe e Greqisë në qershor të këtij viti në Prespë nënshkruan Marrëveshjen për zgjidhjen e problemit të emrit Maqedoni-Greqi dhe partneritet strategjik, sipas të cilës Maqedonia do të ndryshojë emrin e saj në Republika e Maqedonisë së Veriut.
Si pjesë e zbatimit të Marrëveshjes gjithashtu është gjykuar mbajtja e referendumit në Maqedoni, i cili është planifikuar për 30 shtator të këtij viti.
NDIQE LIVE "PANORAMA TV"