Propozimi i spanjollëve për Interin: Luajmë një ndeshje të vetme në fushë neutrale dhe….
Klubi i Getafes i propozon Interit dhe UEFA-s që të zhvillojë sfidën e parë të raundit të 1/16-ave të Ligës së Europës në një fushë neutrale.
Drejtori i menaxhimit në klubin spanjoll Klemente Valverde u shpreh zyrtarisht se falenderon qeverinë e futbollit europian për pezullimin e takimit të nesërm me zikaltërit, por kërkon që UEFA të shqyrtojë mundësinë e zhvillimit të kësaj sfidë në një fushë neutrale, jashtë Italisë dhe Spanjës.
“Falenderojmë UEFA-n për mbështetjen e dhënë dhe ne do të pranojmë ҁdo vendim lidhur me ndeshjen, megjithëse nuk e dimë konkretisht se ҁfarë do të bëhet. Mund të zhvillohet takimi në një fushë neutrale”, deklaron zyrtari i klubit spanjoll Valverde.
Kujtojmë që UEFA vendosi pezullimin e 3 ndeshjeve të Ligës së Europës: Sevilja-Roma, Bazel-Eintraht Frankfurti dhe Inter-Getafe për shkak të situatës delikate të krijuar nga përhapja e koronavirusit në Itali, Spanjë dhe Zvicër.
PANORAMASPORT.AL
NDIQE LIVE "PANORAMA TV"