Progni shpëton Gjilanin në frymën e fundit, Ballkani triumfon ndaj Vushtrrisë. Ja rezultatet dhe renditja në Kosovë
Janë mbyllu dy ndeshjet e Ipko-Superligës së Kosovës, të vlefshme për javën e 27-të në këtë kampionat.
Llapi ka surprizuar Gjilanin në transfertë, ku vendasit ishin shumë afër humbjes, por kanë barazuar vetëm në frymën e fundit. Pjesa e parë ishte mbyllur me avantazhin e miqve 2-1, falë dy golave të Veliut, ndërsa për Gjilanin kishte shënuar Razak. Duhet të vinte minuta e 90’, që Gjilani të gjente barazimin, ku shënoi Gerhard Progni.
Me këtë barazim Gjilani zbret në vendin e 4-t me 52 pikë, 6 pikë më pak se kryesuesit e Dritës, ndërsa Llapi renditet në vendin e 6-të me 39 pikë.
Ballkani ka marrë një fitore shumë të rëndësishme dhe të lehtë në shtëpi, teksa ka mposhtur me rezultatin 3-1 Vushtrrinë, në një ndeshje të dominuar nga fillimi në fund nga vendasit. Me këtë fitore Ballkani shkon në kuotën e 53 pikëve dhe renditet në vendin e 2-të, ndërsa Vushtrria qëndron në vendin e parafundit me 16 pikë.
PANORAMASPORT.AL
NDIQE LIVE "PANORAMA TV"