“Prioritet është mbyllja e kampionateve”, presidenti i Federatës Italiane artikulon datën e rifillimit
Presidenti i Federatës Italiane, Gabriele Gravina ka deklaruar këtë të merkurë se data 20 maj është hipoteza e rifillimit të kampionateve në Itali.
Edhe pse ai vetë e pranon se sot për sot nuk bëhen dot parashikime, duke qenë se emergjenca shëndetësore vazhdon të jetë prezente, Gravina shprehet se prioritet është të mbyllen të gjitha kampionatet.
“Rifillimi? Hipoteza është të fillojmë me 20 maj. Askush nuk mund të bëjë parashikime sot, sepse emergjenca civile është akoma prezente. Gjithsesi, sapo e gjitha kjo të përfundojë, ne duhet të rifillojmë.
Futbolli po shqyrton të gjitha mundësitë e rifillimit dhe prioritet është mbyllja e të gjitha kampionateve. Skudetoja? Në rast se nuk mbyllet kampionati duhet të vendosim do e japim apo jo, por Juventusi ka shprehur mospëlqim për dhënie në tavolinë,” deklaroi Gravina për mikrofonët e “Tuttomercato”.
PANORAMASPORT.AL
NDIQE LIVE "PANORAMA TV"