Princi i njohur arab gati të blejë klubin anglez, “Amnesty International” dënon veprimet e Mohamed Bin Salmanit

Panorama Sport | Gazeta me e madhe sportive ne vend

Postuar: Janar 27, 2020 | 17:40

Bota FB LAJMI KRYESOR Premier Liga Të fundit

Princi i njohur arab gati të blejë klubin anglez, “Amnesty International” dënon veprimet e Mohamed Bin Salmanit

Përpjekjet e princit të Arabisë Saudite Muhamed Bin Salman për të blerë klubin e Njukasëllit kanë ngjallur reagimin e ashpër të organizatës ndërkombëtare të mbrojtjes së Të Drejtave të Njeriut “Amnesty International”.

Alex Rodriguez of Oxford compete for the ball with Nabil Bentaleb of Newcastle during the FA Cup match between Newcastle United and Oxford United at St. James's Park, Newcastle on Saturday 25th January 2020. (Photo by Iam Burn/MI News/NurPhoto via Getty Images)

Për shkak të shkeljeve të vazhdueshme të monarkisë saudite të të drejtave humane, si: keqtrajtimi i femrave, ekzekutimeve pa proçes gjyqësor, prerjes së kokave si dhe vrasja e gazetarit Xhamal Kashogi brenda dyerve të Konsullatës së Arabisë Saudite në Stamboll, “Amnesty International” vlerëson se Arabia Saudite po përpiqet të mbulojë abuzimet shtetërore duke investuar në sport në mënyrë që të përmirësojë imazhin e saj në arenën ndërkombëtare.

amnesty

“Duke parë investimet në sport nga Arabia Saudite, nuk do të përbënte çudi nëse do të blihej Njukasëlli. Arabia Saudite është e njohur për përpjekjet e saj për të përdorur prestigjin dhe suksesin e sportit si një mënyrë për të hequr vëmendjen nga të dhënat e abuzimeve me Të Drejtat e Njeriut”, deklaron shefi i “Amnesty International” për Mbretërinë e Bashkuar Feliks Xhekins.

Mediat britanike raportojnë se Princi Mohamed Bin Salman është gati të paguajë rreth 300 milionë € për të blerë të gjitha aksionet e Njukasëllit. Ai ka hyrë në bisedime me drejtuesit e klubit të njohur anglez.

PANORAMASPORT.AL




Për t’u bërë pjesë e grupit të "Panorama Sport" mjafton të klikoni: Join Group dhe kërkesa do t’ju aprovohet.
KOMUNITETI PANORAMA SPORT: https://www.facebook.com/groups/sportionline/

www.minuta90.com