Presidenti i Barcelonës blindon Mesin dhe “thërret” forcat speciale. Konfirmon se Klasikja nuk do shtyhet më

Panorama Sport | Lajmet e fundit nga sporti

Postuar: Dhjetor 13, 2019 | 9:26

Presidenti i Barcelonës blindon Mesin dhe “thërret” forcat speciale. Konfirmon se Klasikja nuk do shtyhet më

Klasikja e parë e sezonit, e programuar për t’u zhvilluar më 18 dhjetor në “Camp Nou”, nuk pritet të ketë një shtyrje të dytë, pavarësisht rrezikut për protesta të reja politike që mund të kërcënojnë sigurinë e saj. 

bARTOMEU5

Edhe presidenti i Barcelonës, Josep Maria Bartomeu, konfirmoi se ndeshja më e rëndësishme e sezonit nuk do të shtyhet sërish. Klasikja e parë e sezonit vjen në një moment të vështirë për “Los Blancos”, sepse skuadra e Zinedin Zidanit do të luajë në transfertë me Valencian vetëm tri ditë më herët. “Klasikja nuk do të shtyhet përsëri”, shpjegoi Bartomeu. “Ndeshja do të luhet, është një përgjegjësi e të gjithëve ne që të luajmë. Jemi në një moment të vështirë. Duhet të ketë qetësi. Futbolli është një festë e sportit”, shtoi presidenti i katalanasve, i cili komentoi edhe triumfin e kapitenit të tij, Lionel Mesi, për herë të 6-të në histori si futbollisti më i mirë në botë. “Leo ka 6 ‘Topa të Artë’ dhe duhet të kishte më shumë. Jam i sigurt se do të fitojë akoma më shumë ‘Topa të Artë'”.

Me forca speciale – Katalanasja “Sport” mëson se për të garantuar sigurinë e Barcelona-Real Madrid, e cila mund të kërcënohet nga protesta e thërritur shumë pranë stadiumit “Camp Nou” 4 orë përpara nisjes së ndeshjes (parashikohet të marrin pjesë 18 mijë persona), do të marrin pjesë dhe forcat speciale katalanase, “Los Mossos d’Esquadra”.

Njësiti special kalorsiak i forcave të armatosura katalanase garanton sigurinë zakonisht të ndeshjeve me rrezikshmëri të lartë. Ata janë një forcë autonome policore e Katalonjës, e cila ka zëvendësuar Policinë Kombëtare Spanjolle dhe Rojen Civile. Procesi i zëvendësimit nisi në vitin 1994 dhe përfundoi në vitin 2008. Në nëntor 2005, “Los Mossos” morën administrimin e plotë policor në qytetin e Barcelonës.

Përgatiti: ANDROKLI DRALO 

NDIQE LIVE "PANORAMA TV"