Kohët e fundit është përfolur shumë për një kalim të Hames Rodrigezit te skuadra e Evertonit, ku aty do të ritakohej me Karlo Ançelotin.

Mirëpo trajneri italian thotë se mesfushori kolumbian do të qëndrojë te Reali i Madridit, pavarësisht problemeve që ka pasur në vitet e fundit. “Hames është një lojtar i madh dhe Evertoni për sezonin e ardhshëm do të kërkojë futbollistë cilësorë.

Megjithatë kjo nuk do të thotë se do ta marrim Hamesin. Kam bindjen se ai do të qëndrojë në Madrid. Ai është lojtari i tyre dhe do të jetë edhe në të ardhmen. Evertoni? Duam lojtarë kampionë, nuk ka rëndësi mosha e tyre”, tha trajneri italian.

PANORAMASPORT.AL

NDIQE LIVE "PANORAMA TV"

---