Presidenti i FSHF-së ka bërë ritualin e përvitshëm me gjyqtarët, ku në mbledhjen e djeshme nuk ka munguar avazi i vjetër për t’u bërë edhe moviolën arbitrave te rastet kur kanë gabuar. Pas kësaj mbledhjeje jepet përshtypja se klubet dhe presidentët që investojnë do të jenë më të qetë.

Ky është thjesht një rast hipotetik, pasi precedentët e së shkuarës tregojnë një realitet komplet ndryshe. Rasti më flagrant është ajo çfarë ka ndodhur para dy viteve pas mbledhjes që presidenti i FSHF-së bëri me gjyqtarët. Në fund të shkurtit të 2019-ës Duka iu drejtua arbitrave:

“Nuk duhet të bëheni ju faktorë me vendimet që merrni. Gabime të tilla nuk dua të shikoj kurrë. Rezultatin ta vendosin skuadrat me lojën e tyre në fushë”. Në javën pasardhëse, fill pas shkundjes së Dukës, arbitrat në vend që të reflektojnë e bëjnë edhe më baltë.

“Panorama Sport” ju sjell një faksimile të moviolës së bërë në gazetë në javën pas takimit me Dukën, ku kemi dhunimin e arbitrit Hamiti në Kamzë, plus gabimet në ndeshjet e tjera. Për koincidencë, edhe në atë kohë gabuesit janë thuajse të njëjtët emra si tani. Pra, precedentët tregojnë se kemi të bëjmë thjesht me një “show”, pasi presioni i presidentit Duka nuk “ka pirë ujë”.

PANORAMASPORT.AL

LEXO EDHE: 

EKSKLUZIVE/ Duka kryqëzon Xhajen dhe Kolën pas gafave, zbardhet mbledhja ne FSHF

EKSKLUZIVE/ FSHF, 60 mijë euro investim për arbitrat në Kategorinë Superiore

NDIQE LIVE "PANORAMA TV"

---