Polemika/ Pozicion i dyshimtë jashtë loje, ja pse goli i Mbapesë ndaj Spanjës ishte i rregullt (VIDEO)

Panorama Sport | Lajmet e fundit nga sporti

Postuar: Tetor 11, 2021 | 14:41


Polemika/ Pozicion i dyshimtë jashtë loje, ja pse goli i Mbapesë ndaj Spanjës ishte i rregullt (VIDEO)

Goli i dytë i Mbapesë ka shkaktuar shumë polemika, veçanërisht në Spanjë. Sulmuesi i PSG-së është dukur më i avancuar se mbrojtja spanjolle, por pas konsultimit me VAR, gjyqtari Entoni Tejlor e ka cilësuar të rregullt golin.

mb

Spanjollët kanë protestuar, teksa mediat e këtij vendi e kanë etiketuar si një turp golin e dytë të Francës. Por, nga analiza e mëtejshme, duket se vendimi i gjyqtarëve ka qenë i drejtë.

Vendimtar ka qenë një devijim i topit nga Erik Garsia, i cili në rrëshqitje e sipër për të ndalur topin e ka devijuar atë, duke rikthyer në lojë Mbapenë, i cili ishte në pozicion jashtë loje.

Sipas komenteve, devijimi i Garsias është cilësuar i qëllimshëm, duke futur në lojë yllin francez, i cili më pas ka shënuar. Edhe ish-gjyqtari spanjoll Iturralde Gonzales e ka cilësuar të rregullt golin e Mbapesë.

PANORAMASPORT.AL


Për t’u bërë pjesë e grupit të "Panorama Sport" mjafton të klikoni: Join Group dhe kërkesa do t’ju aprovohet.
KOMUNITETI PANORAMA SPORT: https://www.facebook.com/groups/sportionline/