Sulmuesi, Mikel Canka largohet nga Lushnja. Këtë e ka komunikuar vetë futbollisti nëpërmjet një posti në profilin e tij zyrtar.

Canka shkruan se po largohet kundër dëshirës së tij, por duke shtuar se kishte dhënë shpirtin për fanellën e Lushnjës dhe nuk mund të pranonte padrejtësitë në kurrizin e tij.

“Të dashur miq dhe dashamirës të ekipit tonë të zemrës, Lushnja . Doja të ju bëja me dije që nga sot nuk jam me pjesë e ekipit. Dhe pse kundra dëshirës sime! Kisha menduar një fund ndryshe, por shumë të papritura dalin rrugës. E mora vetë këtë vendim, se nuk mund t’i pranoj padrejtësitë në kurrizin tim.

Sepse kam dhënë shpirtin për ato ngjyra. Nuk dua të flas më tepër seç më takon, kështu që i uroj shumë suksese ekipit të Lushnjës. Një ditë do doja që ekipi im i zemrës të jetë sa më lart, aty ku i takon dhe stadiumi të mbushet si në kohet e bukura gjatë këtyre viteve që kemi pushtuar çdo vend të Shqipërisë.