Nuk kanë fund telashet te Dinamo. Si të mos mjaftojë ecuria negative në kampionat, ku blutë rrezikojnë rrëzimin në Kategorinë e Dytë, ditën e sotme janë larguar nga skuadra edhe 3 futbollistë të rëndësishëm. Bëhet fjalë për kapitenin Erxhan Muça, mesfushorin e njohur Jetmir Sefa si dhe mbrojtësin 22-vjeçar Kujtim Alcani.

Shkaku i largimit kanë qenë mos shlyerja e rrogave. Të 3 këta futbollistë kanë kërkuar sipas mesfushorit Sefa 2 rroga, ndërkohë që drejtuesit nuk e kanë plotësuar kërkesën e tyre.

Futbollistët dolën civilë në fushën, teksa pas një komunikimi me administratorin Pontreli kanë ikur nga kompleksi stërvitor në Pezë-Helmes. Kujtojmë që Dinamon e pret një sfidë e vështirë në fundjavë, ku do të përballet me Besëlidhjan e vendit të dytë.

PANORAMASPORT.AL

NDIQE LIVE "PANORAMA TV"

---