Postuar: Maj 27, 2022 | 14:10
Pirlo gati t’i japë fund papunësisë, ish-trajneri i Juventusit po negocion me klubin e Serisë A
Andrea Pirlo është gati t’i japë fund papunësisë.
Sipas asaj që raporton “SportMediaset”, ish-trajneri i Juventusit ka filluar negociatat me klubin që siguroi ngjitjen në Serinë A, Kremonezen.
43-vjeçari aktualisht ndodhet në qytetin e Kremonës për të biseduar me drejtuesin e klubit italian.
Alternativa e Pirlos është Maks Alvini, që vjen nga një sezon pozitiv me skuadrën e Peruxhias, por dukshëm favorit është ish-kampioni i Botës me Italinë e vitit 2006.
Pirlo në karrierën e tij si trajner ka fituar dy kupa me Juventusin, Kupën e Italisë dhe Superkupën e Italisë.
BRIAN KRISTO – PANORAMASPORT.AL
NDIQE LIVE "PANORAMA TV"