Pikante/ “Ku e ke mendjen o Shkalle”, Begeja e ka me mbrojtësin. Tifozët zemër Latifit
Begeja irritohet pas golit të parë të Lushnjës: “Po ku e keni mendjen o Shkalle”. Beqja pengohet në zonë, por gjyqtari nuk akordon penallti. Kaq mjafton që të shpërthejë Begeja drejt gjyqtarit kryesor.
Shumë pak tifozë, edhe pse mbështetja e tyre duhet të ishte e madhe prej faktit se Teuta ka bërë ndeshje të mira në javët e fundit. Mungojnë “djemtë e detit”, teksa nga Lushnja kanë ardhur rreth 10 tifozë.
Nga minuta e 15-25 Lushnja e vë në vështirësi Teutën dhe Begeja i kërkon Kastratit të luajë me topa të gjatë.
Minuta 23, Gjyqtari ndërpret përkohësisht ndeshjen me lojtarëte të dyja ekipeve, që shkojnë të freskohen nga temperaturat e larta. Hrkaç largohet në pjesën e dytë dhe fiton duartrokitjet e të gjithë tifozëve.
Begeja gjatë gjithë kohës është energjik dhe kërkon saktësi nga të tijtë, edhe pse rezultati është 3-1 në favor të bregdetarëve.
Sefa largohet nga fusha dhe fiton duartrokitjet e tifozëve durrsakë.
Hila fitoi një penallti dhe e ekzekutoi vetë, por tifozët e Teutës nuk janë dakord duke bërtitur në kor: “Latif, Latif”. Gjithsesi, mesfushori nuk ishte i këtij mendimi dhe e gjuajti vetë.
NDIQE LIVE "PANORAMA TV"