Postuar: Nëntor 26, 2017 | 18:06
Pësoi 4 gola ndaj Shalkes, trajneri i Dortmundit bën gati valixhet
Peter Boshz tashmë rrezikon seriozisht stolin e Borusias së Dortmundit. Barazimi i çmendur ndaj Shalkes, teksa ishte në avantazhin e katër golave, ka bërë që e ardhmja e teknikut të vihet seriozisht në dilemë.
Jo vetëm derbi i Ruhrit, por edhe rezultatet e dobëta në Bundesligë, si dhe në Ligën e Kampioneve, kanë bërë që Dortmundi të ketë një bilanc shumë të keq. Në pesë javët e fundit, verdhezinjtë nuk kanë regjistruar asnjë fitore, dhe tashmë gjenden 9 pikë larg Bajerni kryesues. Nuk flitet ende për ndonjë zëvendësues të Boshz, por tashmë pozitat e tij në krye të stolit janë lëkundur ndjeshëm.
NDIQE LIVE "PANORAMA TV"