Një tjetër përforcim në merkato për Tiranën. Pas Avdiajt, Najdovskit dhe Toshevskit, kampionët në fuqi të Superiores, kanë arritur akordin edhe me sulmuesin ganez Derrik Sasraku.

26-vjeçari pritet të nënshkruaj kontratë 3-vjeçare, ndërkohë që ky transferim është mundësuar nga menaxheri i njohur Hektor Çomo, raporton “ghanasccornet.com”.

Sulmuesi shtatlart  ka luajtur më parë për Aduana Stars, Medema dhe Club Afrikans, teksa pritet të bashkohet me bashkatdhetarin e tij Uinful Kobina.

Ndërkohë mësohet se përveç futbollistit 26-vjeçar, bardheblutë pritet të afrojnë edhe 2 të huaj të tjerë nga kontinenti afrikan, emrat e të cilëve nuk bëhen publikë për momentin.

“Panorama Sport” mëson se prej disa ditësh pasaportat e tyre janë në Ambasadën tonë të Egjiptit, dhe sapo të pajisen me lejekalimin, do të jenë në Shqipëri në ditët në vazhdim.

PANORAMASPORT.AL

NDIQE LIVE "PANORAMA TV"

---