Emily Ratajkowski ka pozuar totalisht e zhveshur për të treguar se sa i është rritur barku nga shtatzënia e parë, shkruan “Mirror”. Ajo njihet edhe për pasionin që ka për sportin, përveçse e kemi parë shpeshherë në arenat madhështore të NBA-së, ajo ka deklaruar se është një tifoze e skuadrës më të titulluar italiane, Juventusit.

29-vjeçarja qëndroi në profil për të shkrepur dy fotot që postoi në Instagramin e saj. Ajo mbuloi me takt gjoksin me anë të krahut të majtë, ashtu siç duket edhe në pasqyrën e tualetit.

Flokët i kishte lënë të lëshuara dhe dukej se kishte përdorur shumë pak make up.

“Ndonjëherë ndihem si ‘Winnie Pooh’ (personazh vizatimor) në versionin njeri, e herë të tjera si perëndesha e pjellorisë… Sido që të jetë, e di që do të më marrë malli për këtë bark të rrumbullakosur dhe për ato goditjet”, shkroi modelja krahas postimit.

Emily zbuloi se ishte shtatzënë në tetor të vitit të kaluar gjatë një interviste me revistën “Vogue”.

Bashkë me partnerin, Sebastian Bear, ata do të bëhen prindër për herë të parë.

Ratajkowski u martua me Sebastian-in në një ceremoni private në vitin 2018, pas disa javësh lidhje.

NDIQE LIVE "PANORAMA TV"

---