Përçahen tifozët e Tiranës: Nuk kthehemi tani si inferiorë në çdo drejtim

Panorama Sport | Gazeta me e shitur sportive ne vend

Postuar: Shtator 12, 2017 | 14:42

Përçahen tifozët e Tiranës: Nuk kthehemi tani si inferiorë në çdo drejtim

“Tirona Fanatics” ka vendosur të kthehet në stadium në mbështetje të Tiranës. Grupimi më i madh i tifozëve bardheblu që kanë qenë një mbështetje shumë e madhe për ekipin në vitet e fundit, pas bojkotit në thuajse gjysmën e sezonit të kaluar, tashmë kanë vendosur të kthehen në stadium në…

“Tirona Fanatics” ka vendosur të kthehet në stadium në mbështetje të Tiranës. Grupimi më i madh i tifozëve bardheblu që kanë qenë një mbështetje shumë e madhe për ekipin në vitet e fundit, pas bojkotit në thuajse gjysmën e sezonit të kaluar, tashmë kanë vendosur të kthehen në stadium në Kategorinë e Parë.

west boys

Por, vendimi i këtij grupimi ka bërë që të ketë edhe debate e qëndrime të ndryshme nga tifozët e tjerë. Pjesë e bojkotit ishte edhe grupimi “West Boys 1986”, që ka dalë me një deklaratë dhe ka shprehur qëndrimin kundër vendimit të marrë nga “Fanatics” që janë edhe grupi më i madh në mbështetje të Tiranës. “West Boys 1986” argumentojnë qëndrimin e tyre duke deklaruar se, nëse duhet të kthehet në stadium, duhet ta bënin atëherë kur ekipi kishte më shumë nevojë dhe jo tani.

REAGIMI

“West Boys” janë futur në këtë bojkot për një arsye dhe kjo ka qenë shitja e dinjitetit te kundërshtarët tanë historikë dhe këtë e di e gjithë Tirona! Ne në bojkot nuk u futëm vetëm, por të gjithë si ‘Çuna Tirone’! Ne si grupim e kemi thënë fjalën tonë një herë dhe nuk kemi surpriza interesante, as projekte dhe as shou teatral!

Po të ishte se do të ktheheshim në stadium, duhet ta bënim atëherë kur kishte nevojë ‘Tirona’ dhe jo tani si inferior nga çdo drejtim! West Boys nuk do të bëhen pjesë e teatrit dhe nuk do bëhen pjesë e turpit historik. Prej lufte veç ai largohet, që është lindur tradhëtor”, thuhej në deklaratën e grupimit të tifozëve të Tiranës.






www.minuta90.com