Apolonia ka mbyllur përgatitjet dhe është gati të presë Besën. Luhet në “Loni Papuçiu” dhe Juri Kanarsa pret vetëm fitore. Në një deklaratë të dhënë për “Panorama Sport”, trajneri tha:

“Nuk e mohoj, patëm shumë fat me Butrintin. E megjithatë, ajo ndeshje shkoi. Skuadra është rritur dhe, përpos fitoreve, po luajmë shumë mirë. Lojtarët e kanë kaluar ngërçin psikologjik të fazës së parë dhe merren vesh me njëritjetrin e mbi të gjitha janë bërë më agresivë.

Tani e njohin potencialin e tyre dhe mund të luftojnë dhe përballojnë denjësisht çdo kundërshtar.

I radhës është Besa. I kemi dhënë rëndësinë e duhur dhe jemi gati për ta luajtur dhe fituar. Nuk i nënvlerësojmë aspak, por duam të vijojmë me rezultatet pozitive në kampionat dhe mbetemi në garë për ‘play off’-in.

Kemi edhe një plus, tifozët. Pres një stadium të tejmbushur nesër (sot), vetëm ashtu frymëzohemi”.

HILMI SALIU – PANORAMASPORT.AL

NDIQE LIVE "PANORAMA TV"

---