Pendohet braziliani Melo, futbollisti i Partizani fshin postimin e lamtumirës
Braziliani i Partizanit Melo, postoi ditën e djeshme në “Instagramin” e tij një foto ku njoftoi divorcin me klubin e kuq. “Mirënjohje të përjetshme për këtë etapë të rëndësishme të jetës sime. Shumë faleminderit Partizani për besimin, tifozët për mbështetjen e tyre dhe futbollistët për miqësinë e tyre. Nuk do ta harroj kurrë gjithçka që kam përjetuar në këtë klub të shkëlqyeshëm”, shkroi 27-vjeçari.
Ky postim habiti edhe vetë drejtuesit e klubit kryeqytetas që e kishin konfirmuar lojtarin edhe për një sezon tjetër, duke qenë se kontrata e tij përfundon sezonin e ardhshëm. Gjithsesi braziliani duket se është penduar për atë që ka bërë.
Ai postim nuk figuron më në “Instagramin” e Melos, i cili mesa duket nuk e ka ditur që ka edhe një vit kontratë me Partizanin. Braziliani e fshiu postimin duke konfirmuar kështu qëndrimin tek Partizani edhe për sezonin tjetër.
PANORAMASPORT.AL
NDIQE LIVE "PANORAMA TV"