Postuar: Shtator 25, 2020 | 23:48
Penallti e pritur dhe “mburojë” për 90 minuta, ja si vlerësohet Etrit Berisha për paraqitjen kundër ekipit të Berluskonit
Portieri i Shqipërisë dhe SPAL-it Etrit Berisha e nisi sezonin e ri në Serinë B me një paraqitje fantastike. Gardiani kuqezi u vlerësua me notën 9 për performancën në fushë kundër Monzës (0-0).
Në takimin kundër bardhekuqve që drejtohen nga ish-presidenti i Milanit dhe ish-kryeministri Silvio Berluskoni, Berisha realizoi plot 7 pritje duke bërë të pamundur pësimin e golit. Jo vetëm kaq, por 31-vjeçari u tregua hero duke pritur penallti 8 minuta nga fundi i ndeshjes.
Prej dy sezonesh, Berisha është kthyer në siguri për portën e SPAL-it. Sezonin e kaluar ai u rendit si portieri me më shumë pritje në Serinë A.
Statistikat për PanoramaSport.al nga Sofascore
