Bajerni po punon të rinovojë kontratat e dy futbollistëve të tij David Alabasë dhe Tiago Alkantarës.

Sipas medias gjermane “Bild”, i pari që do të vazhdojë bashkëpunimin është mbrojtësi austriak, i cili pëlqehet nga Real Madridi dhe Barcelona, më pas është radha e spanjollit Alkantara.

Për sa i përket portierit dhe kapitenit Manuel Nojer, klubi ende nuk ka vendosur përfundimisht nëse do të vazhdojë bashkëpunimin me gardianin gjerman, i cili ka kërcënuar me largim nga skuadra bavareze nëse nuk i garantohet vendi i titullarit. Ndërsa vazhdimi i qëndrimit të porterit të Gjermanisë në “Alianz Arena” kushtëzohet edhe nga fati i kolegut bashkëkombas të Barcelonës Mark-Andre Ter Shtegen, i cili edhe ai po pret përgjigje përfundimtare nga drejtuesit katalanas për të ardhmen tij.

Kujtojmë që me Bajernin rinovoi deri në vitin 2023 futbollisti Tomas Myler, ndërsa tekniku Hans Flik u emërua zyrtarisht si trajneri i ri i kampionëve në fuqi të Gjermanisë.

PANORAMASPORT.AL

NDIQE LIVE "PANORAMA TV"

---