Partizani-Tirana, zbulohet orari dhe stadiumi ku do të luhet derbi i kryeqytetit

Panorama Sport | Lajmet e fundit nga bota e sportit

Postuar: Korrik 8, 2020 | 0:00


Partizani-Tirana, zbulohet orari dhe stadiumi ku do të luhet derbi i kryeqytetit

Java e 33-të vjen shumë shpejt për Partizanin dhe Tiranën, pasi të premten ata luajnë derbin e 157-të të kryeqytetit. Të kuqtë janë organizatorët e kësaj sfide, që sipas axhendës së publikuar nga federata takimi do të luhet në orën 20:45 në stadiumin “Air Albania” pa praninë e tifozëve.Alban-Hoxha-PartizaniTirana (1)

Një sezon më parë, pikërisht më 12 maj 2019, me fitoren 2-1 në derbin e fundit Partizani i drejtuar nga trajneri Skënder Gega arriti që matematikisht të kthente titullin kampion pas 26 viteve pritje. Me humbjen e djeshme ndaj Kukësit, bardheblutë kanë humbur mundësinë që të “hakmerren” ndaj të kuqve që të shpalleshin matematikisht kampionë në derbi.

Pra, cilido qoftë rezultati i këtij takimi, nuk do të kemi festë titulli në përfundim. Madje, në këtë takim Partizani mund t’i stresojë bardheblutë, aq më shumë që fitorja kërkohet për të shlyer edhe turpin e 28 shkurtit, kur Tirana i mposhti në shifrat 5-1.




Për t’u bërë pjesë e grupit të "Panorama Sport" mjafton të klikoni: Join Group dhe kërkesa do t’ju aprovohet.
KOMUNITETI PANORAMA SPORT: https://www.facebook.com/groups/sportionline/

www.minuta90.com