“Paradoksi” i Hazard: Jam rritur me mitin e Francës, më shumë francez se…
Belgjika do të luajë një ndeshje shumë të vështirë përballë Francës të martën më 10 korrik. Ndeshja pritet të jetë shumë e fortë pas të dyja ekipet kanë treguar se mund të krijojnë dhe të mundin ekipe të mëdha.
Ndërkohë para ndeshjes me Francën ka folur dhe “ylli” belg Eden Hazard. Ai ka folur në lidhje me një foto ku shihet me dy vëllezërit e tij me bluzën e Zidan kur kanë qenë të vegjël.
“Për disa vite kemi qenë të gjithë më shumë “francezë” se sa tifozë të Belgjikës. Kjo sepse jemi rritur me mitin e Francës kampione bote në 1998”, sqaroi ylli i Çelsit ku edhe foli për marrëdhënien e tij me shokun e tij, N’Golo Kante’: “Luaj gjatë të gjithë vitit me Kante dhe mund të them se ai është futbollisti më i mirë në botë në rolin e tij”. Kjo deklaratë e Hazard vjen si përgjigje ndaj Kasemiros, i cili kishte deklaruar se Serxhio Busqets ishte mesfushori më i fortë.
NDIQE LIVE "PANORAMA TV"