Disa ditë më parë trajneri i Kombëtares, Kristian Panuçi ka paditur ish-presidentin e Republikës së Shqipërisë, Bujar Nishanin. Nishani e quajti trajnerin “sharlatan” pas humbjes që Shqipëria mori nga Kosova. Por padia e parë që Panuçi i paraqiti Gjykatës është cilësuar si jo e rregullt dhe nuk u pranua.

Sipas “Top-Channel”, Panuçi nuk ndalet dhe ditën e sotme i ka paraqitur një padi të re Gjykatës dhe gjyqtarja Anila Karanxha e ka konstatuar të rregullt dhe i ka bërë thirrje palës së paditur, në këtë rast ish-presidentit që të përgatisë mbrojtjen e tij.

Pasi të paraqiten të gjitha provat dhe argumentat do të zhvillohet dhe seanca gjyqësore që do të caktohet nga gjyqtarja Anila Karanxha. Trajneri i Kombëtares kërkon 100 mijë euro dëmshpërblim nga ish-presidenti Nishani.

NDIQE LIVE "PANORAMA TV"

---