Një valë e dytë infektimesh është duke prekur futbollin shqiptar, në prag të startit te kampionatit për sezonin e ri. “Panorama” mëson se trajneri i Shkumbinit, Lorenc Pashja, ka rezultuar pozitiv me COVID-19.

Tekniku 43-vjeçar nuk ishte prezent ditën e djeshme në përballjen ndaj Tiranës e vlefshme për Kupën e Shqipërisë, për shkak se kishte shfaqur simtoma dhe ishte karantinuar menjëherë.

Kujtojmë që Shkumbini militon në Grupin A të Kategorisë së Dytë këtë sezon, teksa do të presë Tërbunin në javën e parë të kampionatit, në sfidën e planifikuar për t’u zhvilluar ditën e mërkurë.

PANORAMASPORT.AL

NDIQE LIVE "PANORAMA TV"

---