Pa tifozë, por sherr në shkallët e stadiumit dhe në tunel. Frashëri preket nga fjalët e të pranishmëve, plas grushti
Sherr në fund të ndeshjes Tirana-Teuta. Shkaktarë janë bërë familjarët e Stivi Frashërit dhe portieri që në dhomat e zhveshjes ka sulmuar disa tifozë e lojtarë të Tiranës. Gjithçka nisi në fund të takimit kur një i pranishëm në stadium u kap me portierin.
Më pas situata precipitoi dhe të afërm të Frashërit u përplasën me të ftuarit që ishin në shkallët e “Selman Stërmasit”. Pati rrëmujë dhe grushte, ndërsa portieri i Teutës, i cili u soll jashtë çdo norme etike, u ngjit për t’u përleshur me tifozët. Gjithçka u shua me ndërhyrjen e drejtuesve të Tiranës. Ama portieri nuk e mbylli me kaq. Së bashku me të afërmit (që çuditërisht u futën në dhomat e zhveshjes) Frashëri vazhdoi sherrin dhe u përplas me futbollistë të Tiranës dhe drejtuesit bardheblu.
Thuhet se ai sulmoi Elton Kalenë dhe Grent Halilin. Mes rrëmujës dhe lojtarëve që ishin në korridor ishte Tefik Osmani, i cili akuzoi si portierin e Teutës dhe të afërmit e tij që provokuan sherrin dhe goditën bardheblutë. U desh ndërhyrja e drejtuesve të të dyja skuadrave dhe Policisë së Shtetit që të qetësohej situata, ndërsa enigmatik është fakti se si të afërm të lojtarit të Teutës ishin në dhomat e zhveshjes. Më pas, për të qetësuar situatën erdhi policia, e cila mori nën kontroll stadiumin, sepse gjithçka mund të kishte precipituar edhe më shumë.
NDESHJA – Presidenti Edmond Hasanbelliu ishte nga të parët që erdhi në stadium për të ndjekur sfidën mes skuadrës së tij dhe bardhebluve. Refik Halili ndoqi vetëm pjesën e parë në tribunë dhe më pas u largua.
Zyrtarët e FSHF-së, Xhankarlo Kamoleze, Sulejman Mema dhe Xhemal Mustedanagiç, e panë nga afër sfidën mes Tiranës dhe Teutës. Në fushë, disa lojtarë që janë në planet e Kombëtares.
Nga minuta e parë, këtë sezon blerja e janarit, mbrojtësi Behiratche, që luan në vend të Najdovskit, i pezulluar dhe me Koronavirus.
Elton Kale takon Erando Karabecin në fushë, ndërsa kapiteni i Tiranës nis lojën, duke shkelmuar topin e parë të takimit.
Tetova dhe Osmani thërrasin Bathën para nisjes së lojës dhe bisedojnë me kapitenin bardhebu.
Në momentin e zëvendësimit, duartrokitet Karabeci nga të pranishmit krah Teutës, por jo nga tifozët e Tiranës, të cilët e harrojnë ish-kapitenin.
I pranishëm në ambientet e stadiumit, ish-trajneri i Skënderbeut dhe Tiranës, Julian Ahmataj.
Si zakonisht, trajnerët e skuadrave kanë qenë aktivë. Tetova nga ana e tij e kishte me mesfushorët: “Idi, të tre poshtë (vijës së mesit të fushës). Të tre. Çelhaka”. Martini nga ana e vet u drejtohet të tijve: “Kërkoje me e zgjedh lojën, kërkoje”.
PANORAMASPORT.AL
NDIQE LIVE "PANORAMA TV"