Objektivi i Tiranës në Europë, ja sa ture kërkojnë të kalojnë bardheblutë

Panorama Sport | Lajmet e fundit nga sporti

Postuar: Qershor 9, 2023 | 14:49

Objektivi i Tiranës në Europë, ja sa ture kërkojnë të kalojnë bardheblutë

Tirana do të luajë këtë verë në Europë. Jo në Champions, por në Europa Konferencë League. Do ta nisë nga turi i parë i këtij kompeticioni. Drejtuesit i kanë kërkuar Orges Shehit të kalojë minimalisht një tur në Europë, që do të sillte më shumë para. Ky është objektivi minimal, ndërsa në maksimum Tirana kërkon të shkojë deri në “play off”. Vjet bardheblutë nuk ia dolën të kalonin asnjë tur në fushën e lojës.

tirana

PARATË – Një skuadër që merr pjesë në turin e parë kualifikues të Europa Konferencë Ligë dhe eliminohet në turin e parë përfiton 100 mijë euro për pjesëmarrje dhe 150 mijë euro për eliminimin nga turi i parë.

Nëse eliminohet në turin e dytë, bonusi shkon 100 mijë euro + 350 mijë euro, në turin e tretë 100 mijë + 550 mijë euro dhe braktisja e Europës në “play off”, 100 mijë + 750 mijë euro. Kualifikimi në grup vlen 2.94 milionë euro.

DËNIMET – Të gjithë të dënuarit e Tiranës mund të luajnë në Europë. Është ky lajmi më i fundit nga kampi bardheblu. Mësohet se drejtuesit e Tiranës kanë pyetur nëse dënimet mbarten në Europë dhe përgjigja ka qenë jo.

Të gjithë lojtarët do të luajnë në Europë, paçka dënimit që kanë. Mund të rrezikojë vetëm Visar Bekaj, i cili e ka dënimin më të rëndë. Gjithsesi, apeli pritet të bëjë punën e vet, ndërsa portieri që ka firmosur në Turqi është grumbulluar nga kombëtarja kosovare.

PANORAMASPORT.AL

NDIQE LIVE "PANORAMA TV"