Numri i futbollistëve me depresion u dyfishua gjatë izolimit, FIFPro publikon shifrat
Numri i futbollistëve që kanë raportuar simptoma depresioni është dyfishuar qysh kur futbolli u pezullua për shkak të përhapjes së koronavirusit, sipas një studimi të kryer nga Sindikata Botërore e Futbollisteve Profesionistë FIFPro.
Simptomat e ankthit janë shtuar gjithashtu, si pasojë e shqetësimeve në lidhje me ndikimin afatgjatë që koronavirusi mund të ketë në komunitetin e futbollit. Një ndër faktorët kryesore lidhet me çështjen financiare, ama ka dhe të tjera shkaqe që kanë ndikuar.
Ky studim i Fifpro përfshinte 1602 futbollistë profesionistë dhe u u zhvillua nga data 22 mars deri në datë 14 prill. Anglia, Skocia dhe Republika e Irlandës janë 3 nga 16 shtetet që i përkasin këta futbollistë.
Rezultatet e studimit treguan se 22% i 468 lojtareve femra dhe 13% e lojtarëve meshkuj raportuan simptoma në përputhje me depresionin. Studimi gjithashtu nxorri që 18% e femrave dhe 16% e meshkujve kishin shenja të ankthit të përgjithshëm.
PANORAMASPORT.AL
NDIQE LIVE "PANORAMA TV"