Postuar: Qershor 18, 2018 | 22:29
Nuk zhgënjyen vetëm në lojë, ja detaji që shtangu anglezët në ndeshjen ndaj Tunizisë
“Tre luanët” patën një start jo shumë të mirë në kampionatin botëror, por në fund rëndësi kanë pikët, dhe me dy golat e “uraganit” Kejn, Anglia ia doli të merrte një fitore me vlera.
Por, ajo që bëri përshtypje në këtë takim në qytetin e Volgogradit, ishin karriget bosh. Plot 10.000 ulëse, ishin të boshatisura. Edhe pse e nisën Botërorin me shumë entuziazëm si favoritë, diçka e tillë nuk është pasqyruar në tribuna.
Stadiumi në fakt përmban 45.468 vende, por zor se mund të gjeje deri në 35.000 tifozë në mbrëmjen e sotme. Në fakt, jo shumë anglezë kanë zgjedhur Rusinë për të parë nga afër kombëtaren e tyre, ndoshta edhe nga frika e huliganëve rusë.
