Filip Gligorov është pranë largimit nga Vllaznia. Mbrojtësi vazhdon të ketë probleme fizike dhe nuk po stërvitet dhe mund ta mbyllë këtu sezonin, ndonëse janë edhe 5 javë për t’u luajtur.

Ai nuk po stërvitet, ndërsa ankohet se ka shqetësime. Në të njëjtat kushte edhe Hygor Guimaraesh, i cili gjithashtu është i dëmtuar. Në Shkodër asgjë nuk po shkon më si më parë, ndërsa llogaritë duhet t’i bëjnë për ndeshjet më përcaktuese të këtij kampionati pa të huajt.

Problemet po shoqërojnë njëra-tjetrën, duke futur në stres pikërisht stafin teknik. E gjithë kjo situatë po bind edhe vetë drejtuesit që duhet të fillojnë të përgatiten për finalen e mbijetesës.

PANORAMASPORT.AL

NDIQE LIVE "PANORAMA TV"

---