“Nuk më shqetëson e kaluara e Kontes”, Milito: Dua ta shikoj Mesin në Itali, Interi bëri mirë që largoi…

Panorama Sport | Gazeta me e madhe sportive ne vend

Postuar: Nëntor 19, 2019 | 18:30

Bota FB Seria A Të fundit

“Nuk më shqetëson e kaluara e Kontes”, Milito: Dua ta shikoj Mesin në Itali, Interi bëri mirë që largoi…

Interi po zhvillon një sezon të shkëlqyer këtë vit, teksa pas 12 javëve të para, kanë grumbulluar 31 pikë, vetëm 1 pikë më pak se Juventusi kryesues. Zikaltërit shihen si rivalët kryesorë të “Zonjës së Vjetër” këtë sezon, për sa i përket titullit kampion. internazionale_cinemaApp

I këtij mendimi është edhe një nga ish-sulmuesit e Interit, siç është Diego Milito, i cili në një intervistë të dhënë së fundmi, është shprehur se zikaltërit i kanë të gjitha mundësitë për titullin kampion. “Unë nuk jam i befasuar nga forma e mirë që po tregon Lautaro Martinez këtë sezon. Ai ka akoma vend për tu përmirësuar, ashtu siç ka thënë edhe Konte, gjithçka varet nga ai vetë. Barcelona e dëshiron atë? Është normale, por unë di që ai është i lumtur te Interi.

Titulli kampion? Lukaku më ka lënë mbresa të mira, gjithashtu më kanë surprizuar Barela dhe Sensi. Janë disa lojtarë të shkëlqyer te ky ekip, dhe kjo është arsyeja se titulli mund të rikthehet në Milano. Do të jetë një betejë e vështirë me Juventusin deri në fund, me bardhezinjtë që kanë më shumë përvojë në këto nivele, por entuziazmi që zikaltërit kanë, i bën ata të jenë në rrugën e duhur.milito

Nuk më shqetëson aspak e kaluara e Kontes. Ai po bën shumë mirë, dhe nuk duhet të mendojmë për të kaluarën e tij me Juven. Largimi i Ikardi duket se ka qenë një zgjedhje e duhur nga drejtuesit, e cila i ka bërë mirë futbollistit, por edhe klubit.

Ëndrra ime është ta shoh Mesin në Serinë A. Për mua ai është lojtari më i mirë në histori të futbollit. Unë do t’i sugjeroja Interit të transferojë Mati Zarako, i cili luan me 23-vjeçarët e Argjentinës, ai është një lojtar i shkëlqyer dhe do të ketë një të ardhme të ndritur.”, u shpreh Milito.

PANORAMASPORT.AL




Për t’u bërë pjesë e grupit të "Panorama Sport" mjafton të klikoni: Join Group dhe kërkesa do t’ju aprovohet.
KOMUNITETI PANORAMA SPORT: https://www.facebook.com/groups/sportionline/

www.minuta90.com