Nuk kanë fund dëmtimet te Juventusi, një tjetër futbollist humb ndeshjen e fundjavës ndaj Lacios
Duket se dëmtimet nuk kanë fund te Juventusi këtë sezon, teksa një tjetër lojtar ka shfaqur probleme së fundmi.
Bëhet fjalë për Aron Ramsej, i cili pas seancës stërvitore ka shfaqur disa probleme muskulore në kofshën e tij të majtë. Si pasojë e kësaj futbollisti do të humbasë një ndeshje shumë të rëndësishme, siç është ajo e kësaj fundjave ndaj Lacios.
Uellsiani u transferua te bardhezinjtë në merkaton e verës, teksa kishte përfunduar kontratën e tij me Arsenalin. Megjithatë aventura te “Zonja e Vjetër” nuk ka nisur në mënyrën më të mirë të mundshme, pasi ai është kushtëzuar nga dëmtime të shumta.
Një lajm shumë i keq për Maurico Sarrin, i cili pas dëmtimit të mesfushorit Khedira, tani duhet të përballet edhe me një dëmtim tjetër.
PANORAMASPORT.AL
NDIQE LIVE "PANORAMA TV"