Nuk ka stërvitje për Hysajn pas dëmtimit me Kombëtaren
Dëmtimi i pësuar me Kombëtaren ka lënë pa stërvitje Elseid Hysajn te Napoli, pak ditë para ndeshjes shumë të rëndësishme kundër Juventusit. Mbrojtësi i përfaqësueses pësoi një dëmtim në minutat e fundit të sfidës ndaj Bosnjës dhe pas sfidës pranoi se ndjente pak dhimbje.
Mbrojtësi i djathtë është një element i rëndësishëm i Napolit, ndaj ai pas mbërritjes në Itali, ka udhëtuar menjëherë drejt klinikës së klubit ku i është nënshtruar një kontrolli të hollësishëm për të parë gjendjen e tij.
Mediat italiane raportojnë se sinjali më pozitiv deri tani është se kavilja e dëmtuar nuk ka pësuar ënjtje, ndaj pritet një riaftësim i shpejtë i futbollistit i cili sot është lënë pushim në stërvitjen e pasdites. Ai është lënë në dorë të fizioterapistëve të klubit, të cilët do të mundohen ta riaftësojnë në kohë nëpërmjet masazheve, siç kanë bërë që sot.
Ndeshja e Serisë A mes Napolit dhe Juventusit luhet të dielën në darkë, ndërsa dy skuadrat do të ndeshen përsëri edhe të mërkurën, këtë radhë për Kupën e Italisë.
NDIQE LIVE "PANORAMA TV"