Nuk ka hakmarrje ndaj Bodo/Glimt, habit Murinjo: Ishin arbitra pa eksperiencë, Kumbullën më duhet ta mbroj sepse…

Panorama Sport | Lajmet e fundit nga sporti

Postuar: Nëntor 5, 2021 | 9:01


Nuk ka hakmarrje ndaj Bodo/Glimt, habit Murinjo: Ishin arbitra pa eksperiencë, Kumbullën më duhet ta mbroj sepse…

Roma nuk arriti të hakmerrej ndaj Bodo/Glimt pas humbjes turpëruese në ndeshjen e pare, teksa verdhekuqtë nuk shkuan më shumë se barazimi 2-2 në ndeshjen e kthimit ndaj modestëve norvegjez.

murinjo

Pas ndeshjes, në mikrofonat e ‘’Sky Sport’’, Zhoze Murnjo ia hodhi fajin arbitrave duke i cilësuar si të paeksperiencë ndërsa i habiti të gjithë duke treguar dhe arsyet pse po mbron Kumbullën.

“Mendoj se rezultati është i ashpër për ne. Nuk ishte një paraqitje e mirë, bëmë shumë gabime teknike, veçanërisht në pjesën e parë kur luajtëm nga prapa. Sa herë që shkonte te Veretut ose Darbo, ne e humbnim topin.

“Rezultati i lojës ishte 2-2, por dy penallti të padhëna ndaj nesh ishin të qarta si dita. Mund të flasësh çfarë të duash, por rezultati është 2-2, ata kishin dy goditje në portë dhe shënuan dy gola. Shënuam dy gola dhe dy penallti të pastra na u mohuan. Nuk e di nëse ata marrin arbitra pa eksperiencë dhe që fillojnë karrierën e tyre në Ligën e Konferencës. Nuk thashë asgjë për arbitrin në Norvegji, sepse humbëm 6-1, por këtu dy penalltitë ishin të pastra”.

Murinjo u pyet nëse do të bëjë rregullime taktike për t’i dhënë Romës një ekuilibër më të madh, pasi kur kapen në kundërsulme i gjithë faji bie mbi mbrojtësit.

“Bilanci vjen nga lojtarët që kemi në dispozicion. Matias Vina ishte i lënduar, ndaj më duhej të zgjidhja një mbrojtës të majtë. Solbaken pati një ndeshje të parë fantastike, sonte Ibanez e futi në xhep, ai pati vetëm një prekje dhe shënoi një gol fantastik.

Më duhej ta mbroja Kumbullën, sepse ai luajti keq në ndeshjen e parë dhe kjo nuk ishte ndeshja e duhur për të. Kështu që më duhej të vendosja Kristanten në mbrojtje. Pra, kë të vendos në mesfushë? Më duhej të vendosja Darbon.

Njerëzit flasin për ekuilibrin taktik, por ndonjëherë ka të bëjë edhe me balancimin e karakteristikave të lojtarëve. Milani po luftonte kundër nesh, kishin në fushë Bakajokon dhe Tonalin. Ne nuk mund ta bëjmë këtë’’.

“Kjo ishte një lojë ku unë nuk ndjeva probleme, ne kishim kontrollin, Pelegrino dhe Solbaken nuk krijuan probleme këtë herë. Unë nuk kisha një mbrojtës krahu që mund të sulmonte, mendoj se problemi ishte në fillim, Zaniolo, Tami Abraham dhe Mkhitarian bënë shumë gabime në pasime dhe u mungonte finesa. Ne luftojmë për të shënuar gola kur kemi mundësitë, por edhe një herë, arbitri ishte absolutisht vendimtar. Lojtarët e respektuan fanellën deri në fund. Ne kemi shtatë pikë, nuk varet tërësisht nga ne nëse e fitojmë vendin e parë tani, por ne kontrollojmë vendin e dytë.”

Roma ka fituar vetëm një nga shtatë ndeshjet e fundit konkurruese, problemi kryesor është mungesa e golave ​​nga sulmuesit?

“Është e vërtetë, Zaniolo dhe Abraham nuk janë në formë të mirë. Vetëm El Sharaui po bën mirë në sulm për momentin, Shomurodov ia doli mjaft mirë jashtë pankinës. Mund t’i shikojmë ato statistika pragmatike, por sa pikë humbëm për shkak të gabimeve të arbitrit? Shikoni ndeshjet me Juventusin, Milanin dhe Bodo/Glimt’’, mbylli fjalën e tij Murinjo.

PANORAMASPORT.AL