Nuk ka dyshime për të ardhmen e Ethemit, zbulohet plani i klubit polak që “lë thatë” Kukësin
Nuk ka më asnjë dyshim, e ardhmja e Valon Ethemit do të jetë në Poloni, te skuadra e Zaglebie Lubin. Lojtari kaloi testet mjekësore që para një muaji me skuadrën polake, por zyrtarizimi i marrëveshjes nuk ka ardhur për shkak të pretendimeve të Kukësin.
Verilindorët pretendonin se në kontratë thuhej se Ethemi duhet të ishte pjesë e verilindorëve edhe për kupat e Europës, duke i kërkuar të kthehej në skuadër, por diçka e tillë nuk u bë nga lojtari.
Gjithashtu Kukësi kërkon edhe takën e formimit të futbollistit, pasi lojtari ishte 22 vjeç, por për këtë klubi polak ka gjetur një zgjidhje të veçantë.
Sipas “mkszaglebie”, klubi i Zaglebie Lubin do të firmosë me lojtarin më 3 tetor, pikërisht në ditën e lindjes së tij, kur ai të mbushë 23 vjeç dhe të mos ketë detyrime ndaj Kukësit. Kujtojmë se merkato në oloni mbyllet më 5 tetor.
PANORAMASPORT.AL
NDIQE LIVE "PANORAMA TV"